1. نه احتیاج که ساقی ویره شراب سنه؟

2. که ئوز پیاله سینی ویردی آفتاب سنه

3. شراب لعلی ایچون توکمه آبرو زنهار

4. که دمبدم لب لعلین ویرور شراب سنه

5. اگر ویرام داشه پیمانه نی گیچورمندن

6. شرابدن نیچه گوز تیکسه هر حباب سنه

7. قوروتما ترلی عذارین ایچینده باده ناب

8. که گل کیمی یاراشور چهره پرآب سنه

9. شرابدن نه عجب اولماسون اگر سرخوش

10. بودوزلو لبر ایلن نیلسون شراب سنه؟

11. بوآتشین یوز ایلن کیم دوتار سنین اتگین

12. حلال ایلر قانینی تایتر کباب سنه

13. دیدوم چیخاره سنی خط حجابدن، غافل

14. که خط غباری اولور پرده حجاب سنه

15. سنین صحیفه حسنین، کلام صائب دور

16. که داغ عیب اولور خال انتخاب سنه